Koninkrykslesings

Christus maak dit duidelik dat DIE KONINKRYK belangrik is wanneer Hy sê: “Onse Vader wat in die hemele is, laat u Naam geheilig word; laat u koninkryk kom... Maar soek eers die koninkryk van God en sy geregtigheid en al hierdie dinge sal vir julle bygevoeg word” – Matt 6 

Dit is belangrik om te verstaan wat die wese, aard, roeping en verhouding van die koninkryk is met die aarde. Is Christene veronderstel om slegs die konkinkryk binne die grense van die kerk te bedryf? Het die Koninkryk niks te sê oor politieke en staatkundige terreine nie? Mag Christene nie voorstel hoe die samelewing veronderstel is om ingerig te word nie? As gesinne, kerke, volke die HERE aanroep, hoe moet hulle wetgewing lyk? Is Matt 28 slegs van toepassing op die siele van die individue of is dit die hele volke/nasies? 

Hierdie reeks lesings kyk wat die Bybel te sê het vanuit die Bybel (beide Ou en nuwe Testament). Wat het die kerk se belydenisse oor die eue te sê gehad oot God se Koninkryk. Wat is die implikasies van dit wat die Skrif sê op die kerk, die gesin, die staat en onderwys.

• Koninkrykvisie in die Ou Testament - Prof JAE Adendorff 
• Koninkrykvisie in die Nuwe Testament - Ds Cobus Rossouw 
• Koninkryk & Kerk - Dr Adi Schlebusch
• Die Koninkryk & die kerk se belydenis – Ds S le Cornu 
• Die Koninkryk & die gesin – Dr C Jooste (sal 15 Julie uitgesaai word)
• Die Koninkryk & die staat – Prof AWG Raath  (sal 26 Augustus uitgesaai word)
• Die Koninkryk & Onderwys – Pieter Bisschoff (sal 30 September uitgesaai word) 

Dit word uitgesaai by: 

https://www.youtube.com/@pactuminstitute5927/streams    https://www.youtube.com/@bybelseapologetiek2444/streams

	Koos Adendorff is dekaan teologie by die Afrikaanse Protestantse Akademie. Hy is getroud met Elmarie en hulle het vier kinders. BA, BD, NagrDiplTeol, MTh, DTh (Diakoniologie, UOVS)
	Cobus Rossouw is predikant van die Gereformeerde Kerke Hendrina en Carolina. Hy is getroud met Marietjie en hulle het agt kinders   BTh, BTh (Hons), MDiv (PU vir CHO)
	Adi Schlebusch is die direkteur van die Pactum Instituut wat Bybelgetroue boeke en akademiese artikels publiseer. Hy is betrokke by die AP Akademie en BCVO. Hy is getroud met Lize en hulle het drie kinders. PhD (Teologie), MA Fil, BA (Latyn), BA(Teologie)
	Slabbert Le Cornu is predikant van die Gereformeerde Kerk Carletonville en redakteur van Proregno. Hy was betrokke by die vertaling van die Statevertaling Kantaantekeninge. Hy is getroud met Dorothea en hulle het nege kinders. HOD (UNISA), BTh (PU vir CHO), MDiv (NWU),
	Christiaan Jooste is predikant van Gereformeerde Kerk Waterberg. Hy is die outeur van Die Dordtse Leerreels, 'n preekbundel oor hierdie besondere belydenisskrif. Hy is getroud met Irma en hulle het vyf kinders. PhD (Ou Testament) NWU, MTh (Kerkgeskiedenis), MDiv, BTh, (PU vir CHO).
	Andries Raath was professor by die fakulteit regte aan die Universiteit van die Vrystaat tot met sy aftrede in 2012. Hy het meer as 150 bydraes in joernale gepubliseer. Sy spesialisveld is regsgeskiedenis, regsfilosofie en die geskiedenis van pioniersgemeenskappe. DFil (UOVS), MA, LLB (PU vir CHO), BJuris
	Pieter Bisschoff is tans hoof van bemarking by Orania Ontwikkeling Maatskappy. Hy was voorheen Gereformeerde Skool Dirk Postma se skoolhoof, asook die hoof van Bo-Karoo Opleiding en AROS. Hy het ook gedien as die bestuurhoof : onderwys van Mukhanyo Theological College. BA, BA (Hons), HOD